Do poprawnego działania strony wymagane jest włącznenie obsługi javascript. Zmień to w opcjach Twojej przeglądarki i odśwież stronę.
Poezja ks. Pelplińskiego
Nie znaleziono zdjecia

Słëpsczim zwëkã  zebrało sã karno  Drëchów - Zrzeszéńców,  néch,  co to lëdają wiedzec cos ò naszińcach, chtërnych ju nié ma na swiece, ale dërch je w naji swiãdze to, co rzeklë, napiselë, zdzejalë,  zbudowelë.

   Latos to zeńdzeni przëpadło na 14 gromicznika. Tą razã wspòminelë më ksãdza Antoniégò Peplińsczigò (26.04.1918 - 6.08.1995).  Ò Jegò żëcym a dzejônim  kôrbiôł nôma piąkno a mądrze dr Antoni Szréder, krewny ks. Peplińsczigò. Ksądz Antoni Peplińsczi ùrodzony we Wiôldżim Klińczu ( Wielki Klincz) w kòscersczim pòwiece, pózni  ze swòjima starszima mieszkôł  w Łësniewkù kòl Serakòjc (Łyśniewski Dwór). W szkòłach ( w gimnazjum) bëł w Kòscérzënie, w Seminarium (1945-1950) - w Pelplinie. Ksãdzem bëł w Chòjnicach, w Czarnowie, w Pawłowie, a na kùncu we Mcëszéjcach ( Mściszewice). To nie bëłë bògaté parafie, bez to ksądz Peplińsczi mùszôł bëc téż rólnikã, żebë ùtrzimac sebie i kòscół, a jész pòmagac krewnym i cëzym, co całi żëcé robiôł. Teskno mù bëło za kaszëbizną, temù ùceszôł sã baro, czéj dostôł namiénieni do Mcëszéjc.

    Òkróm kapłëńsczi służbë w naszi pômiãcë je zakarbòwôny jakno ùtwórca kaszëbsczich wiérztów, piesniów, frantówków, jaczi są spiéwôny czãsto, chòc niejëdny spiéwôce mòże nie wiedzą, chto je ùtwòrzôł. Prawie do wszëtczich słowa i nótã ks. Antoni ùkłôdôł sóm. Pewno nôbarżi znôny są piesnie:

1. "Kaszëbi wòłają nas" (Chto chce spãdzec dobré wczasë, | niëch

w stëdzyńsczi jedze lase....), a në 'stëdzyńsczé' spiéwôce przerôbiają sobie

na: 'bëtowsczi', 'kartësczi', kaszëbsczi';

2. "Pòrénny wiéw";

3. " Żebë wrócył ten czas" (....czedem bëdełkò pasł); 4. "W pòlu brzózka".

    Ùsadzoną bez ksãdza Antonigò Peplińsczigò pòrëszającą piesniã: Nie je ce żôl  zaspiéwôł  Òjcu Swiãtimù Janowi Pawłowi II  w Pelplinie 5 czërwińca 1999 rokù tësącòsobòwi chór Kaszëbów.

    Më na naszim zeńdzenim téż zaspiéwelë so frantówczi Tegò Twórcë, wëpilë arbatã, zjedlë kùchë, a ùgôdelë sã na przińdny pòtkôni.

Ana Skòtnickô         

 

 

ODDZIAŁ W SŁUPSKU

Adres:

Sienkiewicza 19

II piętro

76-200 Słupsk

Telefon:

0–59 841–30–74

502–52–51–75

e-mail:

slupskkaszubi@gmail.com

 

 

 

 

                   

 

 

 

© Copyright 2024 Zrzeszenie Kaszubsko-Pomorskie Oddział Słupsk
Projekt graficzny: Iselin
Webmaster: Łukasz Makurat
Strona korzysta z plików cookies w celu realizacji usług i zgodnie z Polityką Prywatności. Możesz określić warunki przechowywania lub dostępu do plików cookies w Twojej przeglądarce. Kliknij na to powiadomienie, aby je zamknąć.