Do poprawnego działania strony wymagane jest włącznenie obsługi javascript. Zmień to w opcjach Twojej przeglądarki i odśwież stronę.
Kartuzë żdają na ksążkã
Nie znaleziono zdjecia
Pòdzãkòwaniô dlô R.A. Reglińsczégò

 

„Zespół Poklasztorny Zakonu Kartuzów Raj Maryi w Kartuzach, koło Gdańska” – taczi titel bãdze miała ksążka rëchtowónô przez Rómana Apòlinarégò Reglińsczégò.27 łżëkwiata z autorã pòtkelë sã nôlëżnicë kartësczégò partu Kaszëbskò-Pòmòrsczégò Zrzeszeniô i jiny lubòtnicë dzejów Kartuz.

Dzãka taczim ksązkóm mòżemë bëc jesz barżi bùszny z historii najégò gardu. Dzãkùjemë wasce Reglińsczémù, że nie bòjôł sã dłudżégò sedzeniô z rozmajitima dokùmeńtama w rãkach. Na brzôd ti cãżczi robòtë czekają wnetka całé Kartuzë – gôdôł przédnik partu Kazmiérz Fòrmela.

Autor zôchãcywôł do lekturë i prezentowôł czekawé wiadła, na jaczé nie delë bôczeniô jiny piszący na tã temã. Jakno wielelatny prowadnik pò pòklôsztornym zespòle, pòznôł òn w drobnotach kòżdi nórt tegò zabëtkù i chòcle dlôte jegò ksążka wôrt bãdze przeczëtac.

Nôwôżniészim dzélã zéńdzeniô bëła diskùsjô, chtërna pòkôza, jak wiele mieszkańców Kartuz bëlno znaje swòjã historiã. Niejedny z ùczãstników pòdôwelë jinfòrmacje ò tim, co dzejało sã w pòklôsztornym zespòle i w gardze òb czas II swiatowi wòjnë i krótkò pò ni. Wasta Reglińsczi mógł dzãka temù sprôwdzëc swòje wiadła i jesz przed wëdanim ksążczi doznac sã, jak baro je òna pòtrzébnô czëtińcóm.

D.M.

ODDZIAŁ KARTUZY

© Copyright 2024 Zrzeszenie Kaszubsko-Pomorskie Oddział Kartuzy
Projekt graficzny: Iselin
Webmaster: Łukasz Makurat
Strona korzysta z plików cookies w celu realizacji usług i zgodnie z Polityką Prywatności. Możesz określić warunki przechowywania lub dostępu do plików cookies w Twojej przeglądarce. Kliknij na to powiadomienie, aby je zamknąć.